महान्यायाधीवक्तामा खम्मबहादुर खाती नियुक्त

काठमाडौं, असार ३१ : अधिवक्ता खम्मबहादुर खाती महान्यायाधीवक्तामा नियुक्त भएका छन् । बिहीबार राष्ट्रपति विद्यादेवी भण्डारीले संविधानको धारा १५७ को उपधारा (२) अनुसार खातीलाई महान्यायाधीवक्तमा नियुक्त गरेकी हुन्।

प्रधानमन्त्री शेरबहादुर देउवाले खातीलाई महान्यायाधिवक्तामा नियुक्त गर्न आजै राष्ट्रपति समक्ष सिफारस गरेका थिए ।

बाजुराका खाती नेपाल बार एसोसिएसनका पूर्वमहासचिव समेत हुन्।

सर्वोच्च अदालतले  नेपाली कांग्रेसका सभापति शेरबहादुर देउवालाई प्रधानमन्त्री बनाउन परमादेश जारी गरेसँगै मंगलबार रमेश बडालले महान्यायाधीवक्ताबाट राजिनामा दिएपछि पद रिक्त थियो।