सरकारको प्रवक्तामा कानूनीमन्त्री कार्की

काठमाडौं, असार ३० : सरकारको प्रवक्ता कानून, न्याय तथा संसदीय मामिलामन्त्री ज्ञानेन्द्रबहादुर कार्कीलाई तोकिएको छ।

प्रधानमन्त्री शेरबहादुर देउवा नेतृत्वको मन्त्रिपरिषद्को पहिलो बैठकले कार्कीलाई प्रवक्ता तोकेको हो। राष्ट्रपति भवन शीतल निवासमा शपथ ग्रहण लगत्तै मंगलबार प्रधानमन्त्री तथा मन्त्रिपरिषद्को कार्यालय सिंहदरवारमा बैठक बसेको थियो।

प्रधानमन्त्रीसहित पाँच सदस्यीय मन्त्रिपरिषद्मा गृहमन्त्री बालकृष्ण खाँण, कानून, न्याय तथा संसदीय मामिलामन्त्री कार्की, उर्जामन्त्री पम्फा भुसाल र अर्थमन्त्रीमा जनार्दन शर्मा छन्।