अदालतले लोकतन्त्र र विधिको शासनको रक्षा गरेको छः देउवा

काठमाडौं, असार २८ : कांग्रेस सभापति शेरबहादुर देउवाले सोमबारको फैसलाबाट अदालतको निष्पक्षता फेरि एकपटक प्रमाणित भएको बताएका छन् ।

बूढानीलकण्ठस्थित निवासमा सञ्चारकर्मीहरूसँग कुरा गर्दै देउवाले भने, ‘हाम्रो अदालत निष्पक्ष छ र धम्कीसँग डराउँदैन । अदालतले नेपालमा लोकतन्त्र र विधिको शासनलाई बचाएको छ ।’

सरकार गठनको प्रक्रिया अगाडि बढाउन परामर्श सुरु गरिएको देउवाले बताए । कांग्रेस सभापति देउवालाई बधाइ दिन अहिले उनको निवासमा नेता–कार्यकर्ताको जमघट सुरु भएको छ ।