पहिरोले घर पुर्दा दार्चुलामा तीन जनाको ज्यान गयो 

काठमाडौं, असार २४ : दार्चुलाको नौगाढ गाउँपालिका–३ खार नजिकैको चौखुट्टेमा पहिरोले पुरिएर तीन जनाको मृत्यु भएको छ ।

पहिरोले घर पुरिँदा ७२ वर्षीया गेउली ठगुन्ना र उनकी ३ महिनाकी नातिनी मन्जरी ठगुन्ना र सोही ठाउँकी २९ वर्षीया लक्ष्मण सितौलीको पनि मृत्यु भएको जिल्ला प्रहरी कार्यालय दार्चुलाले जनाएको छ ।

पहिरो गएको स्थान दार्चुला सदरमुकाम खलंगाबाट ८ घण्टाको पैदल दूरीमा पर्छ ।