सशस्त्र प्रहरीको डीआईजीमा बढुवाका लागि दुई जनाको नाम सिफारिस

काठमाडौं, असार २२ : सशस्त्र प्रहरीको बढुवा समितिले रिक्त दुई डीआईजीमा बढुवाका लागि दुई जना एसएसपीको नाम सिफारिस गरेको छ ।

एसएसपीद्वय कालिदास धौवजी र कुमार न्यौपानेलाई बढुवाका लागि सिफारिस गरिएको हो ।

बढुवा समितिको मंगलबार बसेको बैठकले सिफारिसको निर्णय गर्दै बढुवा उपर कुनै उजुरी भए ७ दिनभित्रमा समितिमा दिन बढुवा समितिका सदस्य सचिव सशस्त्रका एआईजी रामशरण पौडेलले सूचना जारी गरेका हुन् ।

यसअघि बढुवाका लागि तीन दिनभित्रमा आवेदन दिन भनिएको थियो ।