राप्रपा जुट्यो एकता महाधिवेशनमा
राप्रपाको एकता महाधिवेशन आगामी २७-३० कात्तिकमा हुने भएको छ।
काठमाडौं, असार १९ : राप्रपाको एकता महाधिवेशन आगामी २७-३० कात्तिकमा हुने भएको छ ।
फागुन ०७६ मा राप्रपाका सबै घटकबीच पछिल्लोपटक एकता भएको थियो । त्यसपछि पार्टी महाधिवेशन भएको थिएन । सोही कारण एकता महाधिवेशन घोषणा गरिएको हो ।
महाधिवेशन काठमाडौंमा गर्ने तय भएको छ । महाधिवेशनका लागि भदौ मसान्तसम्ममा वडा, पालिका, प्रदेशसभा र प्रतिनिधिसभा निर्वाचन क्षेत्र तथा जिल्ला कार्य समितिहरूको निर्वाचन गरिसक्ने तालिका छ ।
सोही अवधिमा पार्टीको सक्रिय सदस्यता वितरण र २० असोजसम्म प्रदेशसभा निर्वाचन क्षेत्रमा सक्रिय सदस्यहरूबाट महाधिवेशन प्रतिनिधिको निर्वाचन गर्ने तय भएको छ ।
यस्तै, १५ असोजसम्ममा प्रदेश कार्य समितिको निर्वाचन सम्पन्न हुने भएको छ ।
प्रकाशित मिति: २०:०५ बजे, शनिबार, असार १९, २०७८
प्रतिक्रिया दिनुहोस्
थप समाचार
-1789821441.jpg)
