गण्डकी प्रदेश प्रमुखद्वारा नयाँ सरकारका लागि आह्वान, दाबी प्रस्तुत गर्ने तयारीमा विपक्षी गठबन्धन
गण्डकी प्रदेश प्रमुख सीताकुमारी पौडेलले नयाँ सरकार गठनका लागि बहुमतको आधार प्रस्तुत गर्न सांसदहरूलाई आह्वान गरेकी छन् ।
काठमाडौं, जेठ २८ : गण्डकी प्रदेश प्रमुख सीताकुमारी पौडेलले नयाँ सरकार गठनका लागि बहुमतको आधार प्रस्तुत गर्न सांसदहरूलाई आह्वान गरेकी छन् ।
संविधानको धारा १६८ को उपधारा ५ बमोजिम उनले सरकार गठनका लागि आह्वान गरेकी हुन् ।
मुख्यमन्त्री पृथ्वी सुब्बा गुरुङले प्रदेशसभाबाट विश्वासको मत नपाएपछि नयाँ सरकार गठनको प्रक्रिया अगाडि बढेको हो ।
प्रदेश प्रमुख पौडेलले नयाँ सरकार गठनको आधार प्रस्तुत गर्न भोलिसम्मको समय दिएकी छन् ।
६० सदस्यीय गण्डकी प्रदेशसभामा बहुमत प्राप्त गर्न ३१ सांसद आवश्यक हुन्छन् । कांग्रेसका कांग्रेसका १५, माओवादी केन्द्रका १२ (सभामुखसहित), जसपाका दुई, जनमोर्चाका दुई र स्वतन्त्र एक गरी विपक्षी गठबन्धनसँग ३१ सांसद छन् ।
कांग्रेस संसदीय दलका नेता कृष्णचन्द्र नेपाली पोखरेललाई मुख्यमन्त्री प्रस्ताव गर्दै सरकार गठनका लागि जाने तयारीमा विपक्षी गठबन्धन छ ।
