जनमोर्चा सांसद थापाको रिट एकल इजलासमा
पार्टीको सूचनापछि पदमुक्त भएका गण्डकी प्रदेशका जनमोर्चा सांसद कृष्ण थापाले दायर गरेको रिट सर्वोच्च अदालतले एकल एजलासमा तोकेको छ ।
काठमाडौं, जेठ २३ : पार्टीको सूचनापछि पदमुक्त भएका गण्डकी प्रदेशका जनमोर्चा सांसद कृष्ण थापाले दायर गरेको रिट सर्वोच्च अदालतले एकल एजलासमा तोकेको छ ।
न्यायाधीश डाक्टर कुमार चुडालको एकल इजलासमा उक्त रिटमाथि सुनुवाइ तोकिएको हो ।
बागलुङ क्षेत्र नम्बर २ ‘ख’बाट निर्वाचित थापाले पार्टी ह्विप उल्लंघन गरेपछि जनमोर्चाले सांसद र साधारण सदस्यसमेत नरहने गरी कारवाही गरेको थियो । उनले राष्ट्रिय जनमोर्चा केन्द्रीय कार्यालयलाई विपक्षी बनाएर सर्वोच्चमा रिट दायर गरेका छन् ।
उनको रिटमाथि भिडियो कन्फरेन्सिङमार्फत सुनुवाइ हुने सर्वोच्च अदालतले जनाएको छ ।
प्रकाशित मिति: १०:४७ बजे, आइतबार, जेठ २३, २०७८
प्रतिक्रिया दिनुहोस्
थप समाचार
