गण्डकी प्रदेशमा थप १३ जनाको मृत्यु
काठमाडौं, जेठ १९ : गण्डकी प्रदेशमा कोरोना संक्रमणबाट थप १३ जनाको मृत्यु भएको छ । मृत्यु हुनेमध्ये सबैभन्दा धेरै कास्कीका चार जना रहेका...
काठमाडौं, जेठ १९ : गण्डकी प्रदेशमा कोरोना संक्रमणबाट थप १३ जनाको मृत्यु भएको छ । मृत्यु हुनेमध्ये सबैभन्दा धेरै कास्कीका चार जना रहेका छन् ।
यस्तै स्याङ्जाका तीन जना, तनहुँका दुई जना, गोरखाका दुई जना र लमजुङका दुई जना कोरोना संक्रमणबाट मृत्यु भएको गण्डकी प्रदेश कोरोना रोकथाम तथा नियन्त्रण कार्यक्रमका प्रवक्ता डा. विनोद विन्दु शर्माले जानकारी दिए ।
यो सहित गण्डकी प्रदेशमा कोरोना संक्रमणबाट मृत्यु हुनेको सङ्ख्या ७०७ जना पुगेको छ । गण्डकीमा पछिल्लो २४ घण्टामा १३ सय ७२ जना कोरोना संक्रमित निको भएको डा. शर्माले जानकारी दिए ।
यसैबीच गण्डकीमा पछिल्लो २४ घण्टामा ८३८ जना कोरोना संक्रमित थपिएका छन् । योसहित गण्डकीमा कूल संक्रमितको सङ्ख्या ४३ हजार ८३५ जना पुगेको छ ।
प्रकाशित मिति: २०:११ बजे, बुधबार, जेठ १९, २०७८
प्रतिक्रिया दिनुहोस्
थप समाचार
