म्यानमारको सेनाद्वारा अमेरिकी पत्रकार पक्राउ

काठमाडौं, जेठ ११ : झुटो समाचार लेखेको आरोपमा म्यानमारको सेनाले सोमबार अमेरिकी पत्रकार ड्यानी फेन्स्टरलाई पक्राउ गरेको छ। 

फेन्स्टर म्यानमारको स्थानिय पत्रिका फ्रन्टियरका प्रबन्ध सम्पादक हुन्। उनलाई याङगुन अन्तर्राष्ट्रिय विमानस्थलबाट पक्राउ गरिएको म्यारमारको द इन्डिपेन्डेट पत्रिकाले जनाएको छ।

म्यानमानरमा फेबु्रअरी १ मा सेनाले सत्ता कब्जा गरेपछि उनी पक्राउ परेका चौथो विदेशी पत्रकार हुन्। यसअघि पोल्याण्डका पत्रकार रोबर्ट बोसियागा, जापानका पत्रकार युकि किताजुमी र अमेरिकाका पत्रकार नाथान मौङलाई म्यानमारमा भइरहेको सौनिक ‘कु’ विरुद्ध झुटो समाचार लेखेको आरोप लगाउँदै पक्राउ गरिएको थियो। 

‘हामीलाई थाहा छैन ड्यानीलाई किन हिरासतमा लिइएको हो र आज (आइतबार) बिहानदेखि उनीसँग सम्पर्क हुन सकेको छैन्,’ फ्रन्टियरका प्रधान सम्पादकले भने, ‘हामी उनको सुरक्षाको सवालमा चिन्तित छौं र उनको तत्काल रिहाइका लागि आह्वान गर्छौं। हाम्रो प्राथमिकताहरू अहिले उनी सुरक्षित छन् भनेर निश्चित गर्नु र उनलाई आवश्यक पर्ने सहयोग प्रदान गर्नु हो।’

अमेरिकी विदेश मन्त्रालयले फेन्स्टरको पक्राउको रिपोबारे सचेत रहेको बताएको छ। ‘हामी विदेशमा अमेरिकी नागरिकहरूलाई सहयोग गर्ने हाम्रो जिम्मेवारीलाई गम्भीरताका साथ लिन्छौं र परिस्थितिलाई अनुगमन गरिरहेका छौं,’ अमेरिकी विदेश मन्त्रालयका प्रवक्ताले भने ।