चन्द्रागिरिमा १० शय्याको आइसोलेसन सेन्टर सञ्चालन

काठमाडौं जेठ ८ : चन्द्रागिरि नगरपालिमा १० शय्याको आइसोलेशन सेन्टर स्थापना गरिएको छ । चन्द्रागिरि–१२ बलम्बुस्थित नहुदा स्वास्थ्य क्लिनिकमा स्थापना गरिएको सो सेन्टरको नगरप्रमुख घनश्याम गिरीले शुभारम्भ गरे ।

सो अवसरमा उनले नगरपालिकामा संक्रमितको संख्या वृद्धि भइरहेका अवस्थामा आइसोलेशन सेन्टरले स्थापना गरिएको बताए । १० शय्या सञ्चालनमा ल्याइए पनि  बिरामीको आवश्यकता अनुसार शय्या थप गर्दै लैजाने उनले बताए ।

समुदाय स्तरबाट सञ्चालन भएको उक्त आइसोलेशन सेन्टरमा  विकास महर्जनको संयोजकत्वमा  व्यवस्थापन समिति गठन समेत गरिइएको छ । समितिले नै दैनिक सेवा सञ्चालन र व्यवस्थापनको जिम्मेवारी बहन गरेकोे छ ।