ओली र नेपालबीच आज पनि भेटवार्ता हुँदै 

काठमाडौं, वैशाख ३१ : नेकपा एमाले अध्यक्ष केपी ओली र वरिष्ठ नेता माधवकुमार नेपालबीच आज पनि भेटवार्ता हुने भएको छ। साँझ ६ बजे सिंहदरबारमा  हुन लागेको भेटवार्तामा कार्यदल सदस्यहरु पनि सहभागी हुने बताइएको छ । 

साँझ बस्ने बैठकमा नेपाल पक्षबाट भीम रावल, घनश्याम भुसाल, गोकर्ण विष्ट, सुरेन्द्र पाण्डे र रघुजी पन्तको सहभागी हुने भएका छन्। 

तर ओली तर्फबाट भने सहभागी नेता टुंगो लागेको छैन ।  ओली र नेपालबीच बिहीबार दिउँसो लामो छलफल भएको थियो । यो छलफलमा एमालेभित्रको विवाद मिलाउने सहमति भएपछि नेपाल समूहका सांसदहरुको राजीनामा रोकिएको थियो।