साविककै मन्त्री दोहोरिए ओली मन्त्रिमण्डलमा

काठमाडौं, वैशाख ३१ : राष्ट्रपति विद्यादेवी भण्डारीले साविककै मन्त्रीहरूलाई पद तथा गोपनीयताको सपथ ग्रहण गराएकी छन् ।

सपथग्रहण गर्नेमा गृहमन्त्री रामबहादुर थापा बादल, ऊर्जा, जलस्रोत तथा सिँचाइमन्त्री टोपबहादुर रायमाझी, अर्थमन्त्री विष्णु पौडेल, परराष्ट्रमन्त्री प्रदीप ज्ञवाली, स्वास्थ्य तथा जनसंख्यामन्त्री हृदयेश त्रिपाठी, उद्योग, वाणिज्य तथा आपूर्तिमन्त्री लेखराज भट्ट, शिक्षा, विज्ञान तथा प्रविधिमन्त्री कृष्णगोपाल श्रेष्ठ, सहरी विकास मन्त्री प्रभु साह, संस्कृति, पर्यटन तथा नागरिक उड्डयन मन्त्री भानुभक्त ढकाल, खानेपानी मन्त्री मणिचन्द्र थापा, कृषि तथा पशुपन्छी विकासमन्त्री पद्मा अर्याल, भौतिक पूर्वाधार तथा यातायात मन्त्री वसन्त नेम्बाङ, श्रम, रोजगार तथा सामाजिक सुरक्षामन्त्री गौरीशंकर चौधरी, सञ्चार तथा सूचना प्रविधिमन्त्री पार्वत गुरुङ, भूमि व्यवस्था, सहकारी तथा गरिबी निवारणमन्त्री शिवमाया तुम्बाहाम्फे, कानून, न्याय तथा संसदीय मामिला मन्त्री लीलानाथ श्रेष्ठ, संघीय मामिला तथा सामान्य प्रशासनमन्त्री गणेशसिंह ठगुन्ना, वन तथा वातावरणमन्त्री प्रेमबहादुर आलो, महिला, बालबालिका तथा ज्येष्ठ नागरिक मन्त्री जुलीकुमारी महतो, युवा तथा खेलकुद मन्त्री दावा लामा तामाङ छन् ।

यस्तै, स्वास्थ्य तथा जनसंख्या राज्यमन्त्री नवराज रावत, सहरी विकास राज्यमन्त्री रामवीर मानन्धर र उद्योग, वाणिज्य तथा आपूर्ति राज्यमन्त्री विमला विकलाई प्रधानमन्त्री ओलीले सपथ ग्रहण गराएका छन् ।