बाझोपनको डरले कंगोमा पाँच हजारले मात्र लगाए कोरोनाविरुद्धको खोप 

किन्शासा, वैशाख २८ : अफ्रिका महाद्विपको दोस्रो ठूलो राष्ट्र कंगोमा बाझोपनको डरले पाँच हजारले मात्र कोरोनाविरुद्धको खोप लागाएका छन्। 

नौ करोड जनसंख्या भएको लोकतान्त्रिक गणतन्त्र कंगोमा बाझोपन र खोप नक्कली हो भन्ने डरका कारण पाँच हजारले मात्र कोरोना विरुद्धको खोप लगाएका हुन्।  

कंगोको स्वास्थ्य मन्त्रालयले मानिसहरु कोरोनाविरुद्धको खोप नक्कली हो भन्ने सोच्छन् र खोप लगाएमा बाझोपनको समस्या देखापर्छ भन्ने डरले नलगाउने गरेको बताएको छ।

कंगोको जनताले खोप प्रणाली र सरकारमा विश्वास गर्न सकिरहेका छैनन् । इबोला र दादुरा जस्ता धेरै घातक रोगहरूभन्दा कोभिड–१९ त्यति घातक नभएको जनताको बुझाइ रहेको स्वास्थ्य अधिकरिले बताए । 

कंगोमा हालसम्म कोरोना संक्रमितको संख्या तीस हजार तीन सय पचाँस छ भने मृत्यु हुनेको संख्या सात सय ७२ छ। त्यस्तै, कोरोना संक्रमणबाट निको भई घर फर्किनेको संख्या २६ हजार चार सय ३४ छ।