अमेरिकी नौसेनाद्वारा अरब सागरमा अवैध हतियार बोकेको जहाज नियन्त्रण

वासिङटन, वैशाख २७ : अमेरिकी नौसेनाले उत्तरी अरब सागरमा अवैध हतियार बोकेको जहाज नियन्त्रणमा लिएको छ।

अमेरिकी नौसेनाले आइतबार उत्तर अरब सागरमा यात्रा गरिरहेको जहाजबाट ठूलो परिमाणमा अवैध रूसी र चिनियाँ हतियार नियन्त्रणमा लिएको हो। उक्त अवैध हतियार बोकेको जहाज बहराइनमा अवस्थित अमेरिकी नौसेनाको पाँचौं टालीले नियन्त्रणमा लिएको थियो ।

सो जहाजमा रूसमा बनेको दर्जनौं  मिसाइल, हजारौं थान चिनियाँ  ए के ५६ राइफल र पीकेएम मेशिनगन, स्नाइपर राइफल र ग्रिनेड लन्चर रहेको बताइएको छ ।

नौसेनाले बरामद हातहतियारको विषयमा अनुसन्धान भइरहको बताएको छ ।