पत्रकार दाहालमाथि प्रहरीद्वारा कुटपिट 

काठमाडौं, चैत ३१ : समाचार संकलनका लागि  भारतीय दूतावास परिसर पुगेका पत्रकार केदार दाहालमाथि प्रहरीले कुटपिट गरेको छ । 

नयाँ पत्रिका दैनिकमा कार्यरत दाहाल भारतबाट साउदी अरबमा हुने उडान रोकिएपछि भारतीयहरू नेपालहुँदै साउदी अरब जान दुतावास अगाडि लाइन बसेका भारतीयहरुको समाचार संकलनका लागि मंगलबार दुतावास परिषर पुगेका थिए । 

समाचार संकलनको क्रममा पत्रकार दाहाललाई डिएसपी दीपक खड्काको कमान्डमा रहेका प्रहरी जवानहरूले भिडियो र फोटो खिचेको भन्दै धम्क्याउनुका साथै लछारपछार पारेका थिए । आफू पत्रकार भएको भन्दै कार्ड देखाउँदासमेत प्रहरी जवानहरूले नक्कली पत्रकार भन्दै पाखुरा र घाँटीमा समाएर लछारपछार पारेको दाहालले बताए ।