दीपाश्री निरौला र सरोज खनालको फेसबुक ह्याक गरेको अभियोगमा १४ वर्षीय बालक पक्राउ

काठमाडौं, चैत २४ : कलाकारको फेसबुक ह्याक गरेको अभियोगमा प्रहरीले एक बालकलाई पक्राउ गरेको छ । 

नेपाल प्रहरीको साइवर ब्युरोको टोलीले पर्सा बहुदरमाई नगरपालिका वडा नम्बर ५ का १४ वर्षीय बालकलाई पक्राउ गरेको हो । 

कलाकार दिपाश्री निरौला र सरोज खनालले आफ्नो फेसबुक ह्याक भएको भन्दै केही समयअघि ब्युरोमा निवेदन दिएका थिए।

प्रहरीका अनुसार अभियुक्त बालकले विभिन्न कलाकारको फेसबुक ह्याक गरेर फेसबुकमा जोडिएका साथीहरूसँग पैसा माग्ने गरेका थिए ।

विद्युतीय कारोबार ऐन २०६३ बमोजिम जिल्ला अदालत काठमाडौंबाट म्याद थप गरेर अनुसन्धान भइरहेको प्रहरीले जनाएको छ ।