प्रयोगशालाबाट होइन जनावरबाट सरेको थियो कोरोना

काठमाडौं, चैत १७ : विश्वभर महामारीको रुपमा फैलिएको कोरोना भाइरस प्रयोगशालाबाट नभई जनावरबाट मानिसमा सरेको विश्व स्वास्थ्य संगठनले जनाएको छ । 

कोरोना भाइरस उत्पति सम्बन्धि रिपोर्ट सार्वजनिक गर्दै विश्व स्वास्थ्य संगठनले सन् २०१९ डिसेम्बरमा नभई त्यो भन्दा दुई महिना अगाडिबाटै कोरोना जनावरबाट मानिसम फैलिएको उल्लेख गरेको छ । 

रिपोर्टले कोरोना भाइरसको प्रसार सम्भावित रुपमा चार स्रोतबाट सरेको उल्लेख गरेको छ ।  

कोरोना भाइरस जनावरहरु जस्तैः चमेरो, लोखर्के, सालक र खरायोबाट मानिसमा सरेको हुनसक्ने उल्लेख गरेको छ । तर चमेरोमा कुन जनावरबाट कोरोना  सरेको थियो भन्ने कुरा पत्ता नलागेको रिपोर्टमा बताइएको छ ।