बोरामा भेटियो महिलाको शव

काठमाडौं, चैत ३ : बल्खुको सुकुम्बासी टोलमा एक महिलाको शव बोरामा पोको पारिएको अवस्थामा फेला परेको छ । 

सोमबार साँझ टहराको घरमा सन्तोषी श्रेष्ठ सापकोटाको शव बोरामा पोका पारिएको अवस्थामा भेटिएको प्रहरीले जनाएको छ । 

जोरपाटी माइती भएकी ३३ वर्षीय सन्तोषी परिवारसँग बल्खुमा बस्दै आएकी थिइन् ।

ह्यामरले हिर्काएर उनको हत्या गरिएको महानगरीय प्रहरी वृत्त कालिमाटीले जनाएको छ। प्रहरीका अनुसार पति सन्तोष सापकोटासँग उनको पछिल्लो समय घरायसी विवाद बढेको थियो । 

सन्तोषीका श्रीमान सन्तोष फरार छन् । यद्यपि श्रीमान पक्राउ परेपछि मात्रै यसबारे थप जानकारी हुने प्रहरीले बताएको छ।