२०७८ लाई सडक बालबालिकामुक्त देश घोषणा गर्ने सरकारको तयारी

काठमाडौं, फागुन १ : नेपाल सरकारले २०७८ लाई सडक बालबालिकामुक्त देश घोषणा गर्ने तयारी गरेको बताइएकाे छ । नेकपाद्वारा बुटवलमा आयोजित सभामा सम्बोधन गर्दै प्रधानमन्त्री केपी शर्मा ओलीले २०७८ लाई सडक बालबालिकामुक्त देश घोषणा गर्ने तयारी भइरहेको बताएका हुन् । 

उनले भने, ‘अब सडकमा बालबालिका भेटिँदैनन् । २०७८ लाई भीखमगा नभएको देशका रुपमा घोषणा गर्छौं ।’

उनले अभिभावकविहीन बालबालिकाकाे अभिभावक सरकार भएकाे बताए । उनले भने, 'जसकाे अभिभावक छैन, त्यसको अभिभावक सरकार छ ।’

त्यस्तै, ओलीले अनाथ बालबालिकाको हेरचाह, शिक्षादीक्षा सरकारले गर्ने बताए ।