थप ११९ जनामा कोरोना संक्रमण पुष्टि

काठमाडौं, माघ २५ : नेपालमा थप ११९ जनामा कोरोना संक्रमण पुष्टि भएको छ। 

स्वास्थ्य तथा जनसंख्या मन्त्रालयका अनुसार आइतबार देशभर २ हजार २५१ जनामा गरिएको परीक्षणमा थप ११९ जनामा संक्रमण पुष्टि भएको हो। 

संक्रमित मध्ये ३६ जना महिला र ८३ जना पुरुष रहेका छन्। योसहित नेपालमा कोरोना संक्रमितको संख्या २ लाख ७१ हजार ९२५ जना पुगेको छ। 

यो अवधिमा २६० जना कोरोनामुक्त भएका छन्। योसहित नेपालमा कोरोनामुक्त हुनेको संख्या २ लाख ६८ हजार ७२ जना पुगेको छ।

मन्त्रालयका अनुसार नेपालमा कोरोनामुक्त हुने दर ९८.६ प्रतिशत रहेको छ।