वर्ल्डलिंकको ‘तहल्का’ अफरमा २०० भन्दाबढी लाइभ टिभी च्यानल  र १० एमबीपीएसको इन्टरनेट

काठमाडौं, माघ २५ : वर्ल्डलिंक कम्युनिकेसन्स  लिमिटेडले  ‘तहल्का’ इन्टरनेट योजना ल्याएको छ । टिभीमार्फत  मनोरञ्जनात्मक कार्यक्रम हेर्ने ग्राहकलाई प्राथमिकतामा राखेर  सस्तोमा आइपी टिभी सेवा उपलब्ध गराउन  ‘तहल्का’ इन्टरनेट योजना ल्याएको हो ।

ग्राहकले नेटटिभीले उपलब्ध गराउने २०० भन्दाबढी लाइभ टिभी च्यानल  र १० एमबीपीएसको इन्टरनेट सेवा मासिक ७९९ रुपैयाँमा पाउनेछन् ।

वर्ल्डलिंक कम्युनिकेसन्स लिमिटेडका प्रमुख कार्यकारी अधिकृत केशव नेपाल भन्छन्,  ‘इन्टरनेट जडान गरेर पनि इन्टरनेटको प्रयोग धेरै नगर्ने सबै ग्राहकहरुका लागि उपयुक्त हुने गरी “तहल्का” योजना ल्याएका छौं । यो अफर सस्तो भएकले आधारभूत टिभी प्रयोगकर्ताहरू,  सोसल मिडियालगायत अन्य एपहरू प्रयोग गर्ने ग्राहकहरुका लागि धेरै नै उपयुक्त छ ।’  

सरकारको डिजिटल नेपाल कार्यक्रमलाई यस अफरले सघाउने नेपालको भनाइ छ ।