डेढ महिनादेखि वेपत्ता बृद्धाको शव भेटियो

पाल्पा, माघ २४ : डेढ महिनादेखि वेपत्ता रहेकी पाल्पाकी एक बृद्धाको शव भेटिएको छ।

तानसेन नगरपालिका ८ की ७७ वर्षीया हिराकुमारी चिदीको शव भेटिएको हो। उनी पुस पहिलो सातादेखि हराएकी थिइन्।

उनको शव शुक्रबार जंगलमा भेटिएको जिल्ला प्रहरी कार्यालयले जनाएको छ। प्रहरीका अनुसार माथागढी गाउँपालिका २ रुप्सेस्थित सिप्लिकान सामुदायिक वनमा वृद्ध महिलाको शव भेटिएको हो।

हिराकुमारी पुस ४ गतेदेखि हराएको जिल्ला प्रहरी कार्यालय पाल्पाका सूचना अधिकारी लक्ष्मण पचभैयाँले बताए।