संवैधानिक निकायमा गरिएको नियुक्तिबारे कारण पेस गर्न सरकारलाई सर्वोच्चको आदेश
वरिष्ठ अधिवक्ता दिनेश त्रिपाठीले संसदीय सुनवाइ नभई संवैधानिक निकायमा पदाधिकारी नियुक्त गरेर शपथ गराइएको भन्दै त्यसविरुद्ध निवेदन दर्ता गरेका थिए ।
-1791022760.jpeg)
काठमाडौं, माघ २३ : सर्वोच्च अदालतले अख्तियार दुरुपयोग अनुसन्धान आयोग, निर्वाचन आयोगलगायत ११ वटा संवैधानिक निकायमा गरिएको नियुक्तिबारे कारण पेस गर्न राष्ट्रपति कार्यालय र सरकारलाई आदेश दिएको छ । न्यायाधीश कुमार रेग्मीको एकल इजलासले आज सो आदेश दिएको हो ।
वरिष्ठ अधिवक्ता दिनेश त्रिपाठीले संसदीय सुनवाइ नभई संवैधानिक निकायमा पदाधिकारी नियुक्त गरेर शपथ गराइएको भन्दै त्यसविरुद्ध निवेदन दर्ता गरेका थिए । उनको रिटमा राष्ट्रपति कार्यालय, प्रधानमन्त्री तथा मन्त्रिपरिषद् कार्यालय र संवैधानिक परिषद्लाई विपक्षी बनाइएको छ ।
आजै विघटित प्रतिनिधिसभा सभामुख अग्निप्रसाद सापकोटाले पनि संवैधानिक निकायमा गरिएको नियुक्तिविरुद्ध सर्वोच्चमा रिट दायर गरेका छन् ।
प्रकाशित मिति: १६:३७ बजे, शुक्रबार, माघ २३, २०७७
प्रतिक्रिया दिनुहोस्
थप समाचार
-1791022760.jpeg)
