थप १०५ जनामा कोरोना संक्रमण पुष्टि

काठमाडौं, माघ २३ : नेपालमा थप १०५ जनामा कोरोना संक्रमण पुष्टि भएको छ। 

स्वास्थ्य तथा जनसंख्या मन्त्रालयका अनुसार २  हजार ७९९ जनामा गरिएको परीक्षणमा शुक्रबार देशभर थप १०५ जनामा संक्रमण पुष्टि भएको हो।

संक्रमितमध्ये ४८ जना महिला र ५७ जना पुरुष रहेका छन्। योसहित नेपालमा कोरोना संक्रमितको संख्या २ लाख ७१ हजार ७०७ पुगेको छ। 

यो अवधिमा २७२ जना कोरोनामुक्त भएका छन्। योसहित नेपालमा कोरोनामुक्त हुनेको संख्या २ लाख ६७ हजार ५६४ जना पुगेको छ। 

मन्त्रालयका अनुसार हालसम्म निको हुनेको दर ९८.५ प्रतिशत रहेको छ।