१ लाख ५८ हजारले लगाए कोभिड–१९ विरुद्धको खोप 

काठमाडौं, माघ २२ :  आज दिउँसो चार बजेसम्म १ लाख ५८ हजार ४८७ जनाले कोभिड–१९ विरुद्धको खोप लगाएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन् ।

उनका अनुसार प्रदेश १ मा २१ हजार ७५४, प्रदेश २ मा २१ हजार १८५, बाग्मतीमा ५५ हजार ५०४, गण्डकीमा  १७ हजार २६७, लुम्बिनीमा २३ हजार ७८९, कर्णालीमा ८ हजार ७२ र सुदूरपश्चिम प्रदेशमा १० हजार ९०७ जनाले खोप लगाएका छन् ।

पहिलो चरणअन्तर्गतको खोप अभियान माघ २४ गते शनिबारसम्म चल्नेछ । हाल २०१ वटा  बुथबाट खाेप लगाइएकाे छ ।