उपत्यकामा थप ७८ जनामा कोरोना संक्रमण पुष्टि

काठमाडौं, माघ २२ : काठमाडौं उपत्यकामा थप ७८ जनामा कोरोना संक्रमण पुष्टि भएको छ। 

स्वास्थ्य तथा जनसंख्या मन्त्रालयको अनुसार संक्रमितमध्ये काठमाडौंका ६१, ललितपुरका १३ र भक्तपुरका ४ जना रहेका छन्। 

त्यस्तै, बिहीबार तीन हजार ८७८ जनामा गरिएको परीक्षणमा देशभर थप १७१ जनामा संक्रमण पुष्टि छ। संक्रमित मध्ये ५९ जना महिला र ११२ जना पुरुष रहेका छन्। 

योसहित नेपालमा कोरोना संक्रमितको संख्या २ लाख ७१ हजार ६०२ जना पुगेको मन्त्रालयले जनाएको छ। 

यो अवधिमा २२७ जना कोरोनामुक्त भएका छन्। योसहित नेपालमा कोरोनामुक्त हुनेको संख्या २ लाख ६७ हजार २९२ पुगेको छ। 

मन्त्रालयको हालसम्मको निको हुने दर नेपालमा ९८.४ प्रतिशत रहेको छ।