कोरोना संक्रमणबाट थप २ जनाको मृत्यु

काठमाडौं, माघ २२ : नेपालमा कोरोना संक्रमणबाट थप २ जनाको मृत्यु भएको छ। 

स्वास्थ्य तथा जनसंख्या मन्त्रालयको अनुसार बिहीबार देशभर कोरोना संक्रमणबाट थप २ जनाको मृत्यु भएको हो। 

योसहित नेपालमा कोरोना संक्रमणबाट मृत्यु हुनेको संख्या २ हजार ३३ पुगेको छ।

त्यस्तै, बिहीबार तीन हजार ८७८ जनामा गरिएको परीक्षणमा देशभर थप १७१ जनामा संक्रमण पुष्टि छ। संक्रमित मध्ये ५९ जना महिला र ११२ जना पुरुष रहेका छन्। 

योसहित नेपालमा कोरोना संक्रमितको संख्या २ लाख ७१ हजार ६०२ जना पुगेको मन्त्रालयले जनाएको छ। 

यो अवधिमा २२७ जना कोरोनामुक्त भएका छन्। योसहित नेपालमा कोरोनामुक्त हुनेको संख्या २ लाख ६७ हजार २९२ पुगेको छ। 

मन्त्रालयको हालसम्मको निको हुने दर नेपालमा ९८.४ प्रतिशत रहेको छ।