१८५ राउन्ड गोली र एकनाले भरुवा बन्दुक बरामद 

काठमाडौं, माघ २२ : प्रहरीले विभिन्न हातहतियार बरामद गरेको छ । प्रहरीले मोरङ र चितवनबाट गोली र एकनाले भरुवा बन्दुक बरामद गरेको हो ।

उर्लाबारी नगरपालिका–१ लक्ष्मीझार बस्ने दलबहादुर लिम्बुको खेतबारीबाट  १८५ राउन्ड गोली बुधबार दिउँसो प्रहरीले बरामद गरेको छ ।

त्यस्तै चितवन इच्छाकामना गाउँपालिका–७ सानो भोर्लेनीस्थित जंगलबाट बेवारिसे अवस्थामा रहेको एकनाले भरुवा बन्दुक बुधबार दिउँसो प्रहरीले बरामद गरेको छ । इलाका प्रहरी कार्यालय मुग्लिङबाट खटिएको प्रहरीले उक्त बन्दुक फेला पारी बरामद गरेको हो ।