ककसले पाए संवैधानिक निकायमा नियुक्ति ?
उनले आज अख्तियार दुरुपयोग अनुसन्धान आयोग, निर्वाचन आयोग, राष्ट्रिय मानव अधिकार आयोग, राष्ट्रिय प्राकृतिक स्रोत तथा वित्त आयोग, राष्ट्रिय महिला आयोगलगायत ११ संवैधानिक निकायमा पदाधिकारी नियक्त गरेकी हुन् ।
काठमाडौं, माघ २१ : राष्ट्रपति विद्यादेवी भण्डारीले विभिन्न संवैधानिक निकायमा पदाधिकारी नियुक्त गरेकी छन् । उनले आज अख्तियार दुरुपयोग अनुसन्धान आयोग, निर्वाचन आयोग, राष्ट्रिय मानव अधिकार आयोग, राष्ट्रिय प्राकृतिक स्रोत तथा वित्त आयोग, राष्ट्रिय महिला आयोगलगायत ११ संवैधानिक निकायमा पदाधिकारी नियक्त गरेकी हुन् ।
राष्ट्रपति भण्डारीले नेपालको संविधानको विभिन्न धाराबमोजिम संवैधानिक परिषद्को सिफारिसमा संवैधानिक निकायका प्रमुख र पदाधिकारीको नियुक्त गरेकी छन् ।
आजै राष्ट्रपति भण्डारीको उपस्थितिमा प्रधानन्यायाधीश चोलेन्द्र शमशेर जबराले संवैधानिक निकायमा प्रमुख र अध्यक्षलाई शपथ ग्रहण गराए। त्यसपछि सम्बन्धित निकायका प्रमुख र अध्यक्षले आयुक्त र सदस्यहरूलाई शपथ ग्रहण गराए ।
संवैधानिक निकायका पदाधिकारीहरुको शपथ ग्रहण समारोह उपराष्ट्रपति नन्दबहादुर पुन र सभामुख अग्निप्रसाद सापकोटाले बहिष्कार गरे । नेकपा दाहाल–नेपाल समूहले संवैधानिक निकायमा गरिएकाे नियुक्तिप्रति असन्तुष्टि जनाएकाे छ । नियुक्तिविरुद्ध संघर्षका कार्यक्रम गर्ने घाेषणाासमेत गरेकाे छ ।
संवैधानिक निकायमा नियुक्त भएर शपथ लिने पदाधिकारीहरु :
