थप १५९ जनामा कोरोना संक्रमण पुष्टि

काठमाडौं, माघ १९ : नेपालमा गत २४ घण्टामा थप १५९ जनामा कोरोना संक्रमण पुष्टि भएको छ। 

४ हजार १४५ जनामा गरिएको परीक्षणमा सोमबार थप १५९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। 

संक्रमितमध्ये ६१ जना महिला र ९८ जना पुरुष रहेका छन्।

योसहित नेपालमा कोरोना संक्रमितको संख्या २ लाख ७१ हजार ११८ जना पुगेको छ। 

त्यस्तै, यो अवधिमा २६४ जना कोरोनामुक्त भएका छन्। योसहितनेपालमा कोरोनामुक्त हुनेको  संख्या २ लाख ६६ हजार ६०० पुगेको छ। 

मन्त्रालयको अनुसार कोरोना संक्रमित निको हुने दर ९८.३ प्रतिशत रहेको छ।