थप २८३ जनमा कोरोना संक्रमण पुष्टि

काठमाडौं, माघ १४ : नेपालमा थप २८३ जनामा कोरोना संक्रमण पुष्टि भएको छ।

बुधबार ४ हजार ३८२ जनाको परीक्षण गर्दा देशभर थप २८३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसहित नेपालमा कोरोना संक्रमितको संख्या २ लाख ७० हजार ३७५ जना पुगेको छ।

त्यस्तै, यो अवधिमा २४६ जना कोरोनामुक्त भएका छन्। योसहित नेपालमा कोरोनामुक्त हुनेको संख्या २ लाख ६५ हजार ६९ जना पुगेको छ।

हाल देशभर सक्रिय संक्रमितको संख्या तीन हजार २८६ मात्र रहेको छ। संक्रमितमध्ये २३ जनाको भेन्टिलेटर र १३९ जनाको आइसियूमा उपचार भइरहेको स्वास्थ्य तथा जनसंख्या मन्त्रालयका प्रवत्ता डा. जागेश्वर गौतमले बताए।