थप ३०३ जनामा कोरोना संक्रमण पुष्टि

काठमाडौं, माघ १३ : नेपालमा थप ३०३ जनामा कोरोना संक्रमण पुष्टि भएको छ। 

४ हजार ५७४ जनामा गरिएको परीक्षणमा मंगलबार देशभर ३०३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। 

योसहित नेपालमा कोरोना संक्रमितको संख्या २ लाख ७० हजार ९२ जना पुगेको छ। 

त्यस्तै, यो अवधिमा २८५ जना कोरोनामुक्त भएका छन्। योसहित देशभर हालसम्म कोरोनामुक्त हुनेको संख्या २ लाख ६४ हजार ८२३ पुगेको छ। 

मन्त्रालयका नेपालमा कोरोना निको हुनेको दर ९८.१ प्रतिशत रहेको छ।