कांग्रेसको वडास्तरीय विरोध प्रदर्शन सफल भएको सभापति देउवाको दाबी

काठमाडौं– नेपाली कांग्रेसका सभापति शेरबहादुर देउवाले पार्टीले संसद् विघटन, कुशासन र भ्रष्टाचारविरुद्ध आज देशव्यापी रूपमा गरेको शान्तिपूर्ण प्रदर्शन सफल भएको दाबी गरेका छन् । उनले प्रदर्शनमा  सहभागी  सबैप्रति बधाई तथा आभारसमेत व्यक्त गरेका छन् । 

सरकारले गरेको संसद् विघटनलाई अलोकतान्त्रिक कदम आरोप लगाउँदै कांग्रेसले आज देशभरका ६ हजार ७४३ वडामा विरोध प्रदर्शन गरेको थियो ।

उनले आज एक विज्ञप्तिमार्फत प्रदर्शन सफल बनाउन निरन्तर खटिएका पार्टीका गाउँ/नगर वडा कार्यसमिति, भ्रातृ र शुभेच्छुक संस्थाका पदाधिकारी तथा सदस्यसहित शुभचिन्तकमा बधाई ज्ञापन गरेका छन् ।