बालविवाह गराएको आरोपमा बेहुला बेहुलीसहित चार जना पक्राउ
हनुमाननगर कंकालिनी नगरपालिका–१४ रामपुरमा बालविवाह गर्ने गराउने कार्यमा संलग्न रहेको अभियोगमा चार जनालाई सोमबार बेलुका प्रहरीले पक्राउ गरेको छ
सप्तरी– हनुमाननगर कंकालिनी नगरपालिका–१४ रामपुरमा बालविवाह गर्ने गराउने कार्यमा संलग्न रहेको अभियोगमा चार जनालाई सोमबार बेलुका प्रहरीले पक्राउ गरेको छ ।
पक्राउ पर्नेहरूमा सोही नगरपालिका बस्ने १५ वर्षीया बेहुली, तिरहुत गाउँपालिका–३ बस्ने बेहुला ४३ वर्षीय विनोद सुतियार, विवाह गराउने कार्यमा संलग्न सोही ठाउँ बस्ने ६७ वर्षीय रामेश्वर शर्मा र बेहुलीकी ४५ वर्षीया आमा रहेका छन् ।
बालविवाह भइरहेको भन्ने सूचनाको आधारमा प्रहरी चौकी रामपुरमल्हनियाबाट खटिएको प्रहरीले उनीहरूलाई पक्राउ गरेको हो ।
प्रकाशित मिति: १२:५२ बजे, मंगलबार, माघ ६, २०७७
प्रतिक्रिया दिनुहोस्
थप समाचार
