आगलागी भएको सोल्टी अपार्टमेन्टबाट २३ जनाको सकुशल उद्धार 

काठमाडौं– काठमाडौं महानगरपालिका–१४ रबिभवनस्थित सोल्टी अपार्टमेन्टको तेश्रो तल्लाबाट करेन्ट सर्ट भई सोमबार दिउँसो आगलागी हुँदा अपार्टमेन्टमा रहेका २३ जनालाई सकुशल उद्धार गरिएको छ ।

अपार्टमेन्टमा आगलागी भएको भन्ने खबर प्राप्त हुनासाथ महानगरीय प्रहरी वृत्त कालिमाटी, नेपाली सेना, सशस्त्र प्रहरी बल, स्थानीय र दमकलसमेतको सहयोगमा आगलागी नियन्त्रणमा लिनुका साथै १६ जना पुरुष, ५ जना महिला र २ जना बालबालिकालाई सकुशल उद्धार गरिएको हो । 

आगलागीमा परेर सामान्य घाइते भएका सोही अपार्टमेन्टमा बस्ने भारतकी २७ वर्षीया प्रतिभा अग्रवाल र उनको २ दिनको छोरालाई उपचारका लागि सहिद मेमोरियल अस्पताल कलंकी लगिएकोमा उपचार पश्चात डिष्चार्ज भएका छन् । आगलागीबाट भएको क्षतिको विवरण आउन बाँकी रहेको छ ।