राष्ट्रिय तथा अन्तर्राष्ट्रिय अभ्यासका आधारमा संसद् विघटन गरेको हुँः प्रम ओली    

काठमाडौं– प्रधानमन्त्री केपी शर्मा ओलीले आफूले नेपालको संविधानको धारा ७६ को उपधारा १ र ७, धारा ८५ एवं राष्ट्रिय तथा अन्तर्राष्ट्रिय अभ्यास र अनुभवका आधारमा विघटनको सिफारिस गरेको बताएका छन् । अखिल नेपाल महिला संघ (अनेमसं) को दोस्रो केन्द्रीय कमिटीको बैठकमा उनले देश बर्बाद हुनबाट बचाउन आफूले प्रतिनिधिसभा विघटन सिफारिस गरेको बताएका हुन् ।

‘संविधानमा राष्ट्रपतिले सरकारको सिफारिसमा काम गर्ने व्यवस्था छ, अहिले त्यसअनुसार नै भएको हो,’ उनले भने,  ‘कमीकमजोरी कुरा गर्ने हो भने मसँग भन्ने हो, राष्ट्रपतिले हेर्ने होइन ।’     

पार्टी र आन्दोलनमा एउटा महान् शुद्धीकरण आवश्यकता रहेकामा अहिले त्यो प्राप्त भएको ओलीको भनाइ थियो ।