चार न्यायाधीशले प्रधानमन्त्रीलाई भेटेर विचाराधीन मुद्दाबारे छलफल गरेको दाबी

काठमाडौं– सर्वोच्चका चार न्यायाधीशले प्रतिनिधिसभा विघटन मुद्दाकाे विषयमा प्रधानमन्त्री केपी शर्मा ओलीलाई भेटेर छलफल गरेकाे दाबी गरिएको छ । नेकपा प्रचण्ड–नेपाल समूहकी सांसद शशि श्रेष्ठले   सर्वोच्चका चार न्यायाधीशले प्रधानमन्त्री ओलीसँग भेटघाट गरेर प्रतिनिधिसभा विघटनविरुद्ध परेका मुद्दाका विषयमा छलफल गरेको दाबी गरेकी हुन् । 

पुस २६ मा सर्वोच्चका वरिष्ठ न्यायाधीशद्वय  दीपक कार्की र  मीरा खड्काले प्रधानमन्त्री ओलीसँग राति भेटवार्ता गरेको स्रोतको दाबी छ । यस्तै, पुस २७ मा सपना प्रधान मल्ल र हरिकृष्ण कार्कीले प्रधानमन्त्री ओलीसँग बालुवाटारमा भेटवार्ता गरेको स्रोतको दाबी छ।

रिट फैसला नहुँदासम्म न्यायाधीशले मुद्दाका वादी र प्रतिवादलाई भेट्न नपाइने आचारसंहिताको विपरीत सो भेटघाट भएको भन्दै न्यायाधीशहरुको आलोचना गरिएको छ ।