घरेलु मदिरा सेवनबाट भारतमा एकै गाउँका २० जनाको मृत्यु

नयाँ दिल्ली, पुस २९ : भारत मध्यप्रदेशको मुरैनाको विसंगापुरा–मानपुरमा विषालु मदिरा सेवनबाट २० जनाको मृत्यु भएको छ। एकै गाउँका धेरै जना बिरामीलाई उपचारको लागि अस्पताल गएपछि घटना बाहिर आएको हो। 

अधिकारीहरुका अनुसार तीन दिनको अवधिमा विषालु मदिरा सेवनबाट २० जनाको मृत्यु भएको हो। घटनामा संलग्न १० जनालाई प्रहरीले पक्राउ समेत गरेको छ। 

विषालु घरेलु मदिरा सेवनबाट २० जनाको मृत्यु भएपछि मध्यप्रदेशका मुख्यमन्त्री शिवराज सिंह चौहानले मुरैनाका प्रहरी प्रमुख र प्रशासन प्रमुखलाई हटाउने भएका छन्। बुधबार उच्च अधिकारीहरुको बैठकपछि उनले केही प्रहरी अधिकारीलाई निलम्बनसमेत गरेका छन्। 

विषालु मदिरा सेवनबाट स्थानीयको मृत्यु भएपछि स्थानीयले राजमार्गमा शव रागेर विरोध जनाएका छन्।