बोक्ररलाई मुनाफाको एक प्रतिशत रकम सामाजिक उत्तरदायित्वमा खर्चन सेबोनको निर्देशन

काठमाडौं– नेपाल धितोपत्र बोर्ड (सेबोन)ले  धितोपत्र बजारसम्बद्ध संस्थालाई खुद मुनाफाको एक प्रतिशत रकम सामाजिक उत्तरदायित्वमा खर्चन निर्देशन दिएको छ । सेबोनले आज विज्ञप्ति निकालेर धितोपत्र दलाल (बोक्रर) तथा धितोपत्र व्यापारीलाई खुद मुनाफाको एक प्रतिशत रकम छुट्याई सामाजिक उत्तरदायित्वमा खर्चन निर्देशन दिएको हो ।

विज्ञप्तिमा उल्लेख छ, ‘धितोपत्र व्यवसायीको खुद मुनाफाबाट एक प्रतिशत रकम संस्थागत सामाजिक उत्तरदायितव कोषमा छुट्याउने ।’ सो कोषमार्फत लगानीकर्ताको ज्ञान तथा सचेतना अभिवृद्धि कार्यक्रम सञ्चालन गरिनेछ ।