थप ३६२ जनामा कोरोना संक्रमण पुष्टि

काठमाडौं, पुस २५ : नेपालमा थप ३६२ जनामा कोरोना संक्रमण पुष्टि भएको छ। 

४ हजार २८६ जनामा गरिएको परीक्षणमा शनिबार देशभर ३६२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो।

यीसहित नेपालमा कोरोना संक्रमितको संख्या २ लाख ६४ हजार ५२१ पुगेको छ।

त्यस्तै, पछिल्लो २४ घण्टामा ६९९ जना कोरोनामुक्त भएका छन्। योसहित हालसम्म कोरोनामुक्त हुनेको संख्या २ लाख ५७ हजार ९२८ पुगेको छ।