राष्ट्रियसभा सदस्य गौतम दिगो विकास समितिमा मनोनीत

काठमाडौं, पुस २३ : नेपाल कम्युनिष्ट पार्टी (नेकपा) का उपाध्यक्ष वामदेव गौमत राष्ट्रियसभा अन्तर्गतको दिगो विकास तथा सुशासन समितिमा मनोनीत भएका छन्। 

राष्ट्रियसभा नियमावली २०७५ को नियम १४९ को उपनियम १ बमोजिम बिहीबार गौतमलाई दिगो विकास तथा सुशासन समितिमा मनोनयन गरिएको हो ।

बैठकमा यसअघि प्रधानमन्त्रीका तर्फबाट कानून, न्याय तथा संसदीय मामिलामन्त्री लीलानाथ श्रेष्ठले मधेशी आयोगको वार्षिक प्रतिवेदन २०७६-०७७ पेश गरेका थिए। राष्ट्रियसभाको अर्काे बैठक शुक्रबार अपराह्न १ बजे बस्नेछ।