काठमाडौं उपत्यकामा थपिए १८४ जना कोरोना संक्रमित

काठमाडौं,  पुस २२ : काठमाडौं उपत्यकामा थप १८४ जनामा कोरोना भाइरसको संक्रमण पुष्टि भएको छ। 

पछिल्लो २४ घण्टामा काठमाडौंमा उपत्यकामा थप १८४  जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार काठमाडौंमा १५९, भक्तपुरमा २४ र ललितपुरमा ५० जना नयाँ कोरोना संक्रमित थपिएका छन्।

यस्तै, बुधबार नेपालमा थप ४०९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

योसँगै कोरोना संक्रमितको संख्या २ लाख ६३ हजार १९३ पुगेको छ भने अहिलेसम्म २ लाख ५६ हजार १६१ जना संक्रमणमुक्त भएका छन्।

यस्तै,  पछिल्लो २४ घण्टामा कोरोना संक्रमणबाट ६ जनाको मृत्यु भएको छ। योसँगै कोरोना संक्रमणबाट अहिलेसम्म मृत्यु हुनेको संख्या १८९९ पुगेको छ। 

स्वास्थ्य मन्त्रालयका अनुसार बुधबार ४९५ जना कोरोनालाई जितेर अस्पतालबाट डिस्चार्ज भएका छन्।