पछिल्लो २४ घण्टामा नेपालमा कोरोना संक्रमणबाट थप सात जनाको मृत्यु

काठमाडौं,  पुस २० : कोरोना भाइरसको संक्रमणबाट नेपालमा थप सात जनाको मृत्यु भएको छ। 

पछिल्लो २४ घण्टामा देशभर कोरोना संक्रमणबाट थप सात जनाको मृत्यु भएको स्वास्थ्य तथा जनसंख्या मन्त्रालयले जनाएको छ। योसँगै कोरोना संक्रमणबाट अहिलेसम्म मृत्यु हुनेको संख्या १८८५ पुगेको छ। 

यस्तै, सोमबार नेपालमा थप ४०३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

योसँगै कोरोना संक्रमितको संख्या २ लाख ६२ हजार २६२ पुगेको छ भने अहिलेसम्म २ लाख ५५ हजार ८८ जना संक्रमणमुक्त भएका छन्।

स्वास्थ्य मन्त्रालयका अनुसार सोमबार ५९४ जना कोरोनालाई जितेर अस्पतालबाट डिस्चार्ज भएका छन्।