साझा पार्टीको प्रवक्तामा पाठक नियुक्त

काठमाडौं, असोज २४ :  साझा पार्टीले पार्टी प्रवक्तामा शरदराज पाठकलाई नियुक्त गरेको छ।

साझा पार्टीले शनिबार पाठकलाई पार्टी प्रवक्तामा नियुक्त गरेको हो। यसअघि पाठक ६ महिनादेखि सहप्रवक्ताको जिम्मेवारीमा दिए।

प्रवक्ता रहेका सूर्यराज आचार्यले पार्टी छोडेपछि साझाको प्रवक्ता पद रिक्त थियो।  आचार्यले गत असार २८ गते पार्टी परित्यागको घोषणा गरेका थिए।

प्रवक्तामा नियुक्त पाठक प्रतिनिधिसभा निर्वाचनमा चिवतन क्षेत्र नम्बर ३ बाट पार्टीको उम्मेदवार बनेका थिए। ग्रामीण विकासमा स्नातकोत्तर गरेका पाठकले साझा पार्टीमा सक्रिय हुनअघि नेपालमा कालिका एफएम र रेडियो अन्नपूर्णको समाचार प्रमुख र कान्तिपुर एफएमको सम्पादकीय टिममा रहेका काम गरेका थिए।