असार १९ गतेदेखि निगमको जापान उडान हुने

काठमाडौं, वैशाख १३ : नेपाल वायुसेवा निगमले असार तेस्रो सातादेखि जापान उडान गर्ने भएको छ।

 शुक्रबारसाँझ निगमले जापानको ओशाका उडानको कार्यतालिका  सार्वजनिक गरेको छ । असार १७ गतेदेखि सातामा तीन उडान गर्ने निगमले जनाएको छ । 
निगमले नयाँ वाईडवडी एयरबस ३३० जहाज मार्फत जापान उडान भर्न लागेको हो।

निगमको जापान उडानले जापानमा रहेका नेपालीहरु सहित जापानी पर्यटकहरुको संख्या पनि बढ्ने अपेक्षा गरिएको छ । जापानमा हाल १ लाख हाराहारी नेपालहरु कामदार र शैक्षिक भिषामा रहेका छन्। जापानसंग सिधा उडान नहुदा बर्सेनि जापानबाट नेपाल आउने पर्यटक सख्या बृद्दि हुन सकेको थिएन।