कोरोना संक्रमितको संख्या उच्च रहेका ठाउँका मानिसलाई घर बाहिर ननिस्कन स्वास्थ्य मन्त्रालयको अपिल

काठमाडौं, असोज ११ : कोरोना संक्रमितको संख्या उच्च रहेका ठाउँका ६० वर्ष उमेर पुगेका र दीर्घ रोगीलाई घर बाहिर ननिस्कन स्वास्थ्य तथा जनसंख्या मन्त्रालयले अपिल गरेको छ। 

काठमाडौं, मोरङ, चितवन र सुर्खेतमा संक्रमणको उच्च जोखिम रहेकाे भन्दै ६० वर्ष पुगेका, रक्तचाप, मधुमेहका बिरामी, क्यान्सर र मृगौला रोगीहरूलाई घरबाहिर ननिस्कन अनुरोध गरेको हो।

पछिल्लो समय उपत्यकालगायत बढी जनघनत्व भएको सहरहरूमा संक्रमण दर बढेको देखिएको छ। 

आइतबारमात्र काठमाडौं उपत्यकामा ८ सय ९ जना कोरोना संक्रमित थपिएका छन्।