बझाङ जाँदै गरेको बस डडेल्धुरामा दुर्घटना, पाँच जनाको मृत्यु

डडेलधुरा, वैशाख ११ : डडेल्धुराको साहुखर्कमा बस दुर्घटना हुँदा पाँच जनाको मृत्यु भएको छ। दुर्घटनामा अन्य २० जना घाइते भएका छन्।

कैलालीको धनगढीबाट बझाङका लागि छुटेको ना ६ ख १८३१ नम्वरको बस डडेल्धुराको गन्यापधुरा गाउँपालिका–१ साहुखर्कमा बुधबार बिहान ५ बजेतिर दुर्घटनामा परेको हो। 

घटनाबारे थप विवरण आउन बाँकी रहेको जिल्ला प्रहरी कार्यालय डडेल्धुराका प्रहरी निरिक्षक लक्ष्मण खड्काले  जानकरी दिए। बस सडकबाट करिब २ सय मिटर तल खसेको छ।