भ्यान र मोटरसाइकल ठोक्किँदा दुई जनाको मृत्यु

महोत्तरी, असोज ४ : पिकअप भ्यान र मोटरसाइकल एक आपसमा ठोक्किदा महोत्तरीमा दुई जनाको मृत्यु भएको छ।

बर्दिबास–६ किसानगरमा पिकअप भ्यान र मोटरसाइकल ठोक्किँदा स्थानीय देवबहादुर खपाङ्गी र प्रमोद रामको मृत्यु भएको इलाका प्रहरी कार्यालय, बर्दिबासले जनाएको छ।

विपरीत दिशाबाट आइरहेका पिकअप भ्यान र मोटरसाइकल एकआपसमा ठोक्किएको इलाका प्रहरी कार्यालयका प्रहरी नायब उपरीक्षक राजन चापागाईले बताए।

मोटरसाइकमा तीन जना सवार रहेका थिए। उनीहरुमध्ये चालक प्रमोद र अर्का देवबहादुरको मृत्यु भएको हो।

उनीहरुलाई उपचारका धनुषास्थित लालगढ मोडेल अस्पताल लगिको थियो। त्यहाँ उपचार हुन नसकेपछि प्रमोदलाई धरान र देवबहादुरलाई काठमाडौं लगिएको थियो। प्रमोदको धरानमा र देवबहादुरको बाटोमै मृत्यु भएको प्रहरीले जनाएको छ।