कर्णाली प्रदेशका चार जिल्ला कोरोनामुक्त

काठमाडौं, असोज १ : कर्णाली प्रदेशको चार जिल्ला कोरोना संक्रमण मुक्त भएका छन्। कालिकोट, हुम्ला, मुगु र डोल्पा जिल्ला कोरोनामुक्त भएको हो।

कर्णाली प्रदेश सामाजिक विकास मन्त्रालयका अनुसार कालिकोटका एक सय, हुम्ला नौ, मुगु १३ र डोल्पा ५ जना कोरोनामुक्त भई डिस्चार्ज भएसँगै यी चार जिल्ला कोरोनामुक्त भएको हो।

प्रदेशमा हालसम्म २ हजार ९ सय १४ जनामा कोरोना संक्रमण पुष्टि भएको छ भने २ हजार ६ सय ५ जना निको भएर डिस्चार्ज भइसकेका छन्।